Истеҳсоли 11 намуди ваксина ба роҳ монда шуд

Душанбе, 9 ноябр. (АМИТ «Ховар», Лаззат Диловарзод).- Олимони Пажӯҳишгоҳи байторӣ дар баробари омӯзиши бемориҳои анъанавӣ ба таҳқиқи бемориҳои парранда, занбӯри асал ва моҳӣ оғоз намуда, натиҷаҳои хуб ба даст овардаанд. Олимони Пажӯҳишгоҳ дар давоми нӯҳ моҳи соли ҷорӣ якчанд рисолаҳои номзадӣ ҳимоя намуда, ба ихтирои доруҳои нави зидди бемориҳои парранда муваффақ шуданд,- иброз дошт президенти Академияи илмҳои кишоварзӣ Ҳукматулло Аҳмадов ба мухбири АМИТ «Ховар».   Ба гуфти Ҳ. Аҳмадов, олимони пажӯҳишгоҳи мазкур ва Корхонаи илмию  истеҳсолии «Маводи биологӣ» дар ҳамкорӣ 11 намуди ваксинаро оид ба пешгирии касалиҳои чорво ихтироъ намуда, истеҳсоли онро ба роҳ монданд.