Муҳоҷират ва рушд:

Душанбе, 18 ноябр. (АМИТ «Ховар», Лутфия Эшонқулова). – Ду рӯз дар бинои Вазорати рушди иқтисод ва савдои Ҷумҳурии Тоҷикистон дар мавзӯи «Муҳоҷират ва рушд: нақшаи стратегии комёбӣ» семинари таҷрибавӣ ҷараён дорад. Чорабинии мазкур бо ташаббуси Намояндагии доимии Бонки Ҷаҳонӣ дар Тоҷикистон бо ҳамкории Хадамоти муҳоҷирати назди Ҳукумати Ҷумҳурии Тоҷикистон баргузор мегардад. Дар рафти семинар масоили аҳамияти муҳоҷирати меҳнатӣ дар Ҷумҳурии Тоҷикистон, душвориҳои ҷойдошта ва роҳҳои ҳалли он, дида баромадани муҳоҷирати меҳнатӣ дар маҷмӯъ, ҳамкориҳо дар ҳалли масъалаҳои муҳоҷирони меҳнатӣ баррасӣ хоханд гашт. Дар семинари мазкур вазирон, роҳбарони аввали идораҳо, раисони вилоятҳо ва шаҳру ниҳияҳо иштирок доранд.