Муҳокимаи фаъолияти Суди Конститутсионӣ дар конфронси байналмилалӣ

Душанбе, 2 ноябр. (АМИТ «Ховар», Лутфия Эшонқулова).-Раиси Суди конститутсионии Ҷумҳурии Тоҷикистон  Маҳкам Маҳмудов  дар конфронсҳои байналмилалӣ дар мавзўи «Назорати конститутсионӣ: доктрина ва амалия», ки дар шаҳрҳои Маскав ва Санкт – Петербурги Федератсияи Русия бахшида ба 20- солагии таъсиси Суди конститутсионии Федератсияи Русия баргузор гардид, иштирок намуд.
 
Дар кори конфронс намояндагони зиёда аз панҷоҳ давлати ҷаҳон, аз ҷумла Раиси Суди Аврупо оид ба ҳуқуқи инсон Коста Жан – Пол, Президенти Комиссияи Аврупо оид ба демократия тавассути ҳуқуқи Шўрои Аврупо (Комиссияи Венетсиании Шўрои Аврупо) Ҷианни Букиккио ва намояндагони судҳои конститутсионии давлатҳои Австрия, Албания, Андора, Беларус, Венгрия, Миср, Индонезия, Итолиё, Куриё, Латвия, Литва, Молдова,  Олмон, Швейтсария, Шоҳигарии Белгия низ ширкат намуда, роҷеъ  ба  фаъолияту дастовардҳои Суди конститусионии ФР ва дигар давлатҳо дар 20 соли охир табодули назар карданд.