Ғолиби “Хонандаи сол” муайян шуд

Душанбе, 7 декабр. (АМИТ «Ховар», Бекназари Абӯбакр). — Дар шаҳри Хуҷанд байни толибилмони мактабҳои миёнаи вилоят озмуни вилоятии «Хонандаи сол» ҷамъбаст гардид. Озмуни мазкур ҳамасола бо мақсади дастгирии ҷавонону наврасони лаёқатманду боистеъдод, эҷодкор, дарёфти истеъдодҳои нав, тарғиби васеи масоили илмӣ, таълиму тарбияи ҷавонон ва муайян намудани беҳтарин хонандаи сол аз ҳисоби толибилмони мактабҳои миёнаи вилоят гузаронида мешавад.Дар озмун толибилмон аз шаҳру ноҳияҳои Хуҷанд, Исфара, Чкалов, Табошар, Қайроққум, Ашт, Бобоҷон Ғафуров, Спитамен ва Шаҳристон иштирок намуданд.Аз маркази матбуоти раиси вилояти Суғд ба АМИТ «Ховар» иттилоъ доданд, ки Гулбибӣ Азиззода, толибилм аз шаҳри Табошар ҷойи якум, Нигина Олимова, толибилм аз шаҳри Исфара ҷойи дуюм ва Нилуфар Раззоқзода, толибилм аз ноҳияи Б.Ғафуров ҷойи сеюмро сазовр гардиданд.