170 ҷойи нави корӣ барои табибон

Душанбе, 8 декабр. (АМИТ «Ховар», Лаззат Диловарзод),- Тавре мудири озмоишгоҳи шифохонаи ҷумҳуриявии бемориҳои сили шаҳри Ваҳдат Моҳхонум Абдуллоева ба мухбири АМИТ «Ховар» иттилоъ дод, озмоишгоҳи мазкур, ки бо дастгирии Ҳукумати Тоҷикистон ва давлати Олмон сохта ба истифода дода шудааст, бо техникаю таҷҳизоти олмонӣ пурра муҷҷаҳаз гардидааст. Он дар минтақаи Осиёи Марказӣ калонтарин озмоишгоҳ ба ҳисоб меравад. То имрӯз дар ҷаҳони муосир 23 адад чунин маркази табобатии дорои озмоишгоҳ вуҷуд дошт. Озмоишгоҳи бемориҳои сили шаҳри Ваҳдат 24 –умин озмоишгоҳи ҷаҳонист, ки ҳуқуқи тарбияи кадрҳои ин бахши соҳаи тибро дорад.Озмоишгоҳ ва дигар шӯъбаҳои беморхона дорои шабакаи мустақили гармидиҳӣ буда, бо усули геотермӣ ё худ бо ҳарорати табиии оби аз чуқурии 70 метр дастрасшаванда ва бе истифодаи маводи сӯхт гарм карда мешаванд.