Дар Хуҷанд маъракаи нави созандагию бунёдкорӣ оғоз ёфт

Душанбе, 8 декабр. (АМИТ «Ховар», Покиза Маҳмадбекова). — Бо мақсади истиқболи сазовор ва дар сатҳи баланд таҷлил намудани ҷашни 20-солагии Иҷлосияи таърихию тақдирсози шонздаҳуми Шӯрои Олии Ҷумҳурии Тоҷикистон бо дастгирӣ аз иқдому ташаббусҳои ҷомеаҳои меҳнатӣ дар қаламрави шаҳри Хуҷанд маъракаи умумишаҳрии «12 моҳи созандагию бунёдкорӣ ва ободонӣ — ба шарафи 20-солагии иҷлосияи Шӯрои Олии Ҷумҳурии Тоҷикистон» эълон шудааст.

Ба мухбири АМИТ «Ховар» аз маркази матбуоти маъмурияти шаҳри Хуҷанд иттилоъ доданд, ки дар доираи ин маърака озмунҳои шаҳрии «Маҳаллаи зисти беҳтарин», «Бинои беҳтарин», «Кӯчаи беҳтарин» гузаронида мешаванд, ки мақсад аз он равнақи корҳои тозагиву ободонӣ, сабзкорӣ, созандагию бунёдкорӣ, беҳдошти симои меъмории Хуҷанд аст.