Дар Маскав иҷлосияи ШВКХ баргузор мешавад

Душанбе, 19 декабр. (АМИТ «Ховар», Покиза Маҳмадбекова). – Имрӯз вазири корҳои хориҷии ҶТ Ҳамрохон Зарифӣ дар иҷлосияи Шӯрои вазирони вазирони корҳои хориҷии давлатҳои аъзои Созмони Аҳдномаи Амниятии Дастаҷамъӣ (СААД), ки дар шаҳри Маскав баргузор мегардад, иштирок менамояд. Тавре ба АМИТ «Ховар» аз Раёсати иттилооти ВКХ ҶТ хабар доданд, дар назар аст, ки роҳбарони ҳайатҳо ҷараёни иҷрои қарорҳои иҷлосияи декабрии ( соли 2010) Шӯрои СААД ва аҳду паймонеро, ки 12 августи соли 2011 дар мулоқоти ғайрирасмии сарони давлатҳои аъзои ташкилоти мазкур дар шаҳри Остона ба даст омада буд, мавриди муҳокима қарор медиҳанд.Дар ҳошияи иҷлосия ҳамчунин нақшаи тадбирҳо бахшида ба 20 — солагии имзои Аҳдномаи амнияти дастаҷамъӣ, 10 — солагии СААД ва масъалаҳои дигар баррасӣ мешаванд.Хотирнишон месозем, ки вазири корҳои хориҷии ҷумҳурӣ 18 декабр озими шаҳри Маскав шуда буд.