Дар вилояти Суғд санги мармар истеҳсол мешавад

Душанбе, 14 декабр. (АМИТ «Ховар», Кристина Эрлих). – Вақтҳои наздик дар ноҳияи Ғончии вилояти Суғд корхонаи нави тавлиду коркарди санги мармар ба истифода дода мешавад. Дар ин бора ба хабарнигори АМИТ «Ховар» дар Вазорати энергетика ва саноати ҶТ хабар доданд. Мувофиқи суханони манбаъ, корхонаи навро ширкати «Ҷобири Собир» маблағгузорӣ мекунад. Назар ба маълумоти Вазорати энергетика ва саноати кишвар, ҳоло дар ҷумҳурӣ панҷ корхонаи тавлиди мармар (санги хоро) фаъолият дошта, тайи 11 моҳи соли равон беш аз 13,5 ҳазор метри мураббаъ санги мармар истеҳсол намудаанд, ки назар ба нишондоди ҳамин давраи соли гузашта баробари 6,1 ҳазор метри мураббаъ зиёд аст.