Дастовардҳои кишоварзон

Ваҳдат, 21 декабр. (АМИТ «Ховар», Зебо Давлатова ). – Тайи солҳои охир соҳаи кишоварзии шаҳри Ваҳдат рӯ ба беҳбудӣ овардааст. Тавре сардори раёсати кишоварзии шаҳри Ваҳдат Давлат Холиқов ба хабарнигори АМИТ «Ховар» иттилоъ дод, соли равон хоҷагиҳои шаҳри Ваҳдат дар масоҳати 7066 гектар замин ғалла коштанд, ки 6778 гектари онро гандум ташкил дод. Дар маҷмӯъ 194394 тонна ҳосил гирифта шуд. Аз 448 гектар замини картошка 11505 тонна ҳосил ба даст омад. Баъди ҷамъоварии ғалла дар майдони 1481 гектар кишти такрории сабзавот гузаронида, 30 870 тонна пиёз, помидор, офтобпараст ва лаблабу ба даст омад.Ба гуфти Давлат Холиқов, деҳқонон дар майдони 2015 гектар пахта кишт карда, 4345 тонна ҳосили хушсифат ҷамъоварӣ намуданд.