Ҷоми ИДМ: дастаи мунтахаби наврасон

Душанбе, 17 январ. ( АМИТ «Ховар», Аловиддин Бӯриев).- Имрӯз дастаи мунтахаби наврасони футболи кишвар баҳри ширкат дар бозиҳои «Ҷоми ИДМ» озими шаҳри Санкт-Петербург гардид. Дар ҳайати он беҳтарин бозингарон фаро гирифта шуда, давоми як ҳафта таҳти роҳбарии Салоҳиддин Ғафуров дар шаҳри Норак ба ин мусобиқаи бонуфуз тайёрӣ диданд ва умед ҳаст, ки бо бозии зебояшон хотири мухлисонро шод мегардонанд. Ҷавонони Тоҷикистон дар гурӯҳи «С» бо дастаҳои мунтахаби Беларус, Литва ва Эрон рақобат хоҳанд кард. Тақвими бозиҳои дастаи мо чунин аст: 20-уми январ бо тими Литва, 21-уми январ бо дастаи Беларус ва 23-юми январ бо тими Эрон.