3 717 тонна сӯзишворӣ ғайристандартӣ дониста шуд

Душанбе, 12 январ. (АМИТ «Ховар», Бекназари Абӯбакр). – Дар озмоишгоҳҳои ташхисии маводи ғизоии Агентии Тоҷикстандарт дар давоми соли сипаригардида дар натиҷаи ташхис 20,9 тонна маҳсулоти гӯштӣ, 186,3 тонна равғани растанӣ, 9,3 тонна маҳсулоти макаронӣ, 56 тонна орд, 2061 шиша нӯшокии спиртӣ, 24,9 тонна маҳсулоти қаннодӣ ва 188,1 тонна маҳсулоти ғаллагӣ ва даҳҳо маҳсулоти истеҳсоли ватанию воридотии дигар ғайристандартӣ дониста шуданд», — иброз намуд зимни нишасти матбуотӣ директори Агентии стандартизация, метрология, сертификатсия ва нозироти савдои назди Ҳукумати Ҷумҳурии Тоҷикитон Бахтиёр Шукуров.«Таҷҳизоти озмоишгоҳҳои Агентӣ, бахусус озмоишгоҳҳои ташхиси маҳсулоти хӯрокворӣ ба талаботи стандартҳои байналмиллалӣ ҷавобгӯ мебошанд», — таъкид намуд Б. Шукуров. Директори Агентӣ инчунин афзуд, ки бо мақсади муайян намудани сифат ва ҳолати фурӯши маҳсулоти нафтӣ дар давоми соли 2011 2 ҳазору 915 ташхиси маводи сӯхт дар 427 ҳазору 100 тонна маҳсулоти нафтӣ гузаронида шуд, ки дар натиҷа 3 ҳазору 717 тонна сӯзишворӣ ғайристандартӣ дониста шуд.