Бар асари таркиш дар Маскав шаҳрвандони Тоҷикистон осеб диданд

Душанбе, 12 январ. (АМИТ «Ховар», Лутфия Эшонқулова). – Бар асари таркише, ки 9 январ дар яке аз тарабхонаҳои шаҳри Маскав рух дод, се нафар шаҳрванди Тоҷикистон осеб диданд.Мувофиқи маълумоти маркази матбуоти Намояндагии Хадамоти муҳоҷирати назди Ҳукумати ҶТ дар ФР, ҳоло шаҳрвандони ҶТ дар Маркази бемориҳои сӯхтаи шаҳри Маскав бистарӣ шудаанд. Инҳо Умаралиева Мамлакат, Саъдуллоев Раҷабалӣ ва Ҷамилов Маҳмадиқбол мебошанд. Мувофиқи суханони мусоҳиб, намояндаи маркази муҳоҷират бо табибон дар тамос буда ва тайёр аст, ки ба шаҳрвандони осебдидаамон ёрии зарурӣ расонад.