Беш аз 2 миллиард сомонӣ барои рушди соҳаи иҷтимоӣ

Душанбе, 31 январ. (АМИТ «Ховар», Покиза Маҳмадбекова). – Дар соли 2011 барои рушди соҳаи иҷтимоӣ 2 миллиарду 284 миллиону 700 ҳазор сомонӣ сарф шудааст, ки 47,2 фоизи ҳаҷми умумии маблағгузориҳои асосии ҷумҳуриро ташкил медиҳад. Мувофиқи маълумоти Агентии омори назди Президенти ҶТ, соли гузашта дар ҷумҳурӣ хонаҳои истиқоматӣ баробари масоҳати умумии 826,9 ҳазор метри мураббаъ ба истифода дода шуданд, ки баробари 85 фоизи нақшаи пешбинишуда аст. Дар ҷумҳурӣ сохтмони биноҳои истиқоматӣ асосан тавассути сохторҳои ғайридавлатӣ сурат гирифта, қисми зиёди онро ҳиссаи аҳолӣ ташкил медиҳад.