Бозиҳо барои ҷоми Испания

Душанбе, 4 январ. (АМИТ «Ховар», Аловиддин Бӯриев).- Дар идомаи рақобатҳои 1/8 ниҳоии ҷоми Испания «Реал»-и Мадрид бар «Малага» бо ҳисоби 3:2 (0:2) ғалабаи ниҳоят душвори худро ба даст овард. Ба голҳои задаи Серхио Санчес (10) ва Демикелис (29), ки меҳмононро бо натиҷаи 2 бар 0 ба сафи пеш баровард, Хедира (68), Игуаин (70) ва Бензема (78) ҷавоб гуфта, ғалабаи дастаашонро бо натиҷаи 3 бар 2 таъмин карданд. Ба гуфти сармураббии даста Жозе Моурино, дастгирии мухлисон дар варзишгоҳ ба ғалабаи даста кӯмаки арзанда расонд. Бозиҳои ҷавобӣ рӯзҳои 10-12 январ барпо мешаванд.