Бунёди иншооти варзишӣ дар шаҳру навоҳӣ

Душанбе, 9 январ. (АМИТ «Ховар», Дилшодаи Хайруллоҳ). — Дар асоси дастуру супоришҳои Президенти Ҷумҳурии Тоҷикистон дар мулоқот бо варзишгарон дар давоми соли ҳисоботӣ дар шаҳру ноҳияҳо зиёда аз 563 иншооти гуногуни варзишӣ бунёд гардид,- иттилоъ доданд масъулини Кумитаи ҷавонон, варзиш ва сайёҳии назди Ҳукумати ҶТ ба хабарнигорони ВАО 9 январ зимни нишасти матбуотӣ. Дар вилояти Суғд ва шаҳру ноҳияҳои он 78 майдончаи варзишӣ дар назди хонаҳои истиқоматӣ сохта шуд. Инчунин аз 60 толори варзишие, ки сохтмонаш идома дорад, 32- тоаш ба истифода дода шуд. Дар вилояти Хатлон ва шаҳру ноҳияҳои он 419 майдончаи варзишӣ, 1 маҷмааи варзишӣ, 1 ҳавзи шиноварӣ, 1 майдони варзишии замонавӣ, 1 маркази табобатии варзишӣ ва 24 толори варзишӣ ба истифода дода шуд Дар вилояти Мухтори Кӯҳистони Бадахшон ва шаҳру ноҳияҳои он 6 ишооти варзишӣ, дар водии Рашт 5 иншооти варзишӣ ва дар ноҳияҳои Варзоб, Файзобод, Ҳисор толорҳои замонавӣ бунёд шуда, расман фаъолият доранд.Ҳамчунин дар ҳамкорӣ бо Хадамоти алоқаи назди Ҳукумати Ҷумҳурии Тоҷикистон, Кумитаи андози назди Ҳукумати Ҷумҳурии Тоҷикистон ва Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон маҷмааҳои варзишӣ бо 2000, 1500 ва 600 ҷойи нишаст ба истифода дода шуданд,- зикр намуд раиси Кумитаи ҷавонон, варзиш ва сайёҳии назди Ҳукумати ҶТ Маликшо Неъматов.