Фаъолияти кормандони хоҷагии коммуналӣ

Хоруғ, 17 январ. (АМИТ «Ховар», Л.Додо ). – Корхонаи воҳиди давлатии «Хоҷагии коммуналии ВМКБ» дар давоми сол ҳаҷми умумии хизматрасониро дар ҳудуди Бадахшон ба 3 миллиону 358 ҳазору 700 сомонӣ расонид, ки назар ба соли 2010 хеле зиёд аст. Ноҳияҳои Роштқалъа, Дарвоз, Рӯшон, Мурғоб ва Ванҷ нақшаҳои солонаро аз 120 то 150 фоиз иҷро намуданд.Корхонаи хоҷагии коммуналӣ баробари рӯйпӯш кардани ҷӯйборҳо ва қиррезӣ намудани роҳҳои мошингард таъмири роҳҳо ва корҳои дигарро низ анҷом медиҳад. Масалан, соли 2011 дар масофаи 17 ҳазору 763 метри мураббаъ гулзор барпо намуда, 8506 бех дарахтони сояафкану ороишӣ шинонида шуданд. Ҳамчунин хати обгузари ноҳияи Дарвоз ба масофаи 8 километр бунёд гардид.