Иштирокдорони олимпиадаи ҷумҳуриявии мактабиён муайян шуданд

Душанбе, 31 январ. (АМИТ «Ховар», Людмила Дубинина). – Натиҷаи даври сеюми олимпиадаи мактабиёни шаҳри Душанбе ҷамъбаст гардид. Шумораи иштирокдорони мусобиқа, ки дар мактаби миёнаи таҳсилоти умумии № 70 сурат гирифт, қариб 1 ҳазору 400 нафар хонандагони мактабҳо ва литсею гимназияҳоро ташкил дод, ки нисбат ба соли таҳсили гузашта 385 кас зиёд аст. Мувофиқи суханони директори «Маркази рушди қобилият» — и шаҳри Душанбе Рустам Сафаров, имсол ба олимпиада баъзе тағйирот ворид намуда, комиссияи махсус таъсис ёфтааст, ки ба он муаллимони таҷрибадори донишкадаҳои олӣ шомиланд.Бо қарори комиссияи мазкур 502 нафар хонандагони мактабу гимназияҳои шаҳри Душанбе ғолиб омада, аз ҷумлаи онҳо 135 нафар хонандагони синфи 11 барои иштирок дар даври чоруми хотимавии олимпиадаи ҷумҳурӣ роҳхат гирифтанд.Ғолибони озмуни шаҳрӣ дар вазъияти ботантана бо медалу дипломҳои Раёсати маъорифи шаҳри Душанбе мукофотонида мешаванд.