Лионел Мессӣ- беҳтарин марди мавсими футбол дар соли 2011

Душанбе, 11 январ. ( АМИТ «Ховар», Аловиддин Бӯриев).- Дирӯз раъйдиҳии хабарнигорони соҳаи варзиш ва муррабиёну капитанҳои дастаҳои футбол барои муайян кардани беҳтарин футболбози ҷаҳон, ки аз моҳи сентябр то 5 декабр идома ёфт, дар шаҳри Сюрихи Швейтсария ҷамъбаст гардид. Дар натиҷа маротибаи сеюм Лионел Мессӣ- узви дастаи мунтахаби Аргентина ва “Барселона”-и Испания бо аксари овозҳо барандаи ҷоизаи “Тӯби тиллоӣ” гардид. Ӯ аз ҳарифонаш— Хавӣ ва Криштиан Роналду овози бештарро соҳиб шуд. Байни бонувони футболбоз Ҳомаро Саваи ҷопонӣ беҳтарин интихоб шуд. Хосеп Гвардиола, сармураббии тими «Барселона»-и Испания ва Норио Сазаки, сармураббии дастаи мунтахаби занонаи Ҷопон, бо унвони беҳтарин мураббиёни тимҳои мардона ва занона эътироф гардиданд.Ҷозеф Блаттер ба Алекс Фергюсон, сармураббии тими “Манчестер Юнайтед” ҷоизаи махсуси худро тақдим кард.Федератсияи футболи Ҷопон бо ҷоизаи «Fair Play» (“Бозии одилона”)ва Неймар, ҳамлагари тими «Сантос» ва мунтахаби Бразилия, бо ҷоизаи ба номи Ференс Пушкаш барои беҳтарин голи сол соҳиби ҷоиза шуданд.