Муваффақияти корхонаҳои ордбарорӣ ва нонпазӣ

Душанбе, 17 январ. (АМИТ «Ховар», Лаззат Диловарзод).- Бино ба маълумоти Вазорати энергетика ва саноат дар соли 2011 корхонаҳои ордбарорию нонпазӣ бе қарзҳои бонкӣ аз ҳисоби истифодаи захираҳои дохилӣ беш аз 1,5 млн.тонна орд ва 1 млн. 765 тонна нон ва маҳсулоти нонӣ истеҳсол намуданд. Дар ҷумҳурӣ 19 корхонаи орд фаъолият дорад, ки дар як шабонарӯз 1 ҳазору 520 тонна орд истеҳсол менамоянд. Боиси тазаккур аст, ки корхонаҳои ҶДММ «Сомон –Тӯрон- Инвест» ва ҶММ «Маколлӣ» хати нави технологии истеҳсоли макарони спагеттиро ба роҳ монданд. Дар соли 2011 ҳамчунин ҶДММ «Ширкати ғалла»-и ноҳияи Бобоҷон Ғафуров низ хати нави технологии истеҳсоли макаронро ба роҳ монд, ки он боиси кам кардани воридоти маҳсулоти макаронӣ аз хориҷи кишвар гардид.