Тӯҳфа ба пизишкон

Хоруғ, 3 январ. (АМИТ «Ховар», Л.Додо ). – Ширкати мобилии Тселл ба кормандони Маркази саломатии шаҳри Хоруғ тӯҳфаи солинавӣ тақдим намуд. Ҳукумати кишвар барои рушди иқтисод, беҳбудии сокинон ва ҷалби сармоягузории хориҷӣ ҳамкориҳои худро бо созмонҳои байналмилалӣ ҳарчи бештар густариш медиҳад.Ширкати мазкур яке аз муассисаҳоест, ки баъди истиқлолият дар кишвари мо ба фаъолият шурӯъ карда, натанҳо дар пешрафти технологияи муосир ва аз бумбасти коммуникатсионӣ баровардани Тоҷикистон, балки барои паст кардани сатҳи камбизоатӣ ва муҳайё сохтани ҷойҳои нави корӣ низ саҳми арзанда мегузорад.Дар арафаи Соли нави мелодӣ ин ширкат ба Маркази саломатии шаҳри Хоруғ таҷҳизоти нави тиббӣ тӯҳфа кард. Ба гуфтаи роҳбари маркази мазкур Зеби Иноятова, аҳли муассисаи онҳо ба чунин таҷҳизот ниёз доштанд, ки баъди дастрас шудани он сатҳи хизматрасонии тиббӣ ба аҳолии шаҳр хеле боло хоҳад рафт.