Таҷлили 20 — солагии равобити дипломатии ҶМЧ ва Тоҷикистон

Душанбе, 20 январ. (АМИТ «Ховар, Пайрав Назаров). – 17 январ дар Сафорати Тоҷикистон дар ҶМЧ бахшида ба 20 – солагии барқароршавии муносибатҳои дипломатии байни ду кишвар маҷлиси қабул ороста шуд.Сафири Тоҷикистон дар ҶМЧ Рашид Олимов зимни суханрониаш иброз дошт, ки Чин яке аз аввалин кишварҳое буд, ки соҳибихтиёрӣ ва тамомияти арзии Тоҷикистон, интихоби роҳи мустақилона ва рушди сиёсии иқтисодии онро ба расмият шинохт. Ҳар ду кишвар тайи 20 соли ҳамкорӣ ҳамсояю дӯстони нек ва шарикони боэътимод гардиданд. Шартномаи ҳамсоягии нек, дӯстӣ ва ҳамкорӣ, ки онро роҳбарони ҳар ду кишвар 5 сол муқаддам имзо намуда буданд, уфуқҳои нави рушди муносибатҳои байни кишварҳоро кушода ва ба рушди ҳамкории дуҷониба дар соҳаҳои мухталиф қувваи бузург бахшид. Бо дастгирии ҳукумати Чин дар Тоҷикистон як қатор лоиҳаҳои калон ҷиҳати ҳамкорӣ дар бахши тиҷорату иқтисод, ҳамчунин дар соҳаҳои энергетика, алоқа ва нақлиёт роҳандозӣ шудаанд, — зикр намуд Рашид Олимов.Дар маҷлиси қабул ёвари вазири корҳои хориҷии ҶМЧ Ма Чжаосюй, роҳбарон ва кормандони намояндагиҳои дипломатии хориҷӣ ва аҳли ҷамъият иштирок доштанд.