Таҷлили Наврӯзи байналмилалӣ дар Душанбе

Душанбе, 25 январ. (АМИТ «Ховар», Дилшодаи Хайруллоҳ). – Имрӯз дар ҳузури Сарвазири Ҷумҳурии Тоҷикистон Оқил Оқилов ҷаласаи тадорукотии Иди байналмилалии Наврӯз дар соли 2012 баргузор гардид.Сарвазири мамлакат бо изҳори қаноатмандӣ перомуни таҷлили ҷашни Наврӯз дар сатҳи байналмиллалӣ сухан гуфта, изҳор дошт, ки дар таҷлили ҷашни байналмилалии Наврӯз иштироки ҳайати меҳмонони олимақоми зиёда аз 30 давлати дунё дар назар дошта шудааст ва дар сатҳи баланду омодагии сазовор истиқбол кардани Иди байналмилалии Наврӯз аз тамоми роҳбарони вазорату идораҳо, шахсони масъул ва дар маҷмӯъ, кулли сокинони мамлакат масъулияти зиёдро талаб менамояд.Соли равон нахустин маротиба ҷашни Наврӯз дар сатҳи байналмилалӣ дар пойтахти мамлакат- шаҳри Душанбе баргузор мегардад ва ба истиқболи сазовори ин ҷашни байналмилалӣ бо Қарори Ҳукумати Ҷумҳурии Тоҷикистон кумитаи тадорукот таъсис шуда, нақшаи чорабиниҳо тарҳрезӣ шудааст.Оқил Оқилов роҳбарони вазорату идораҳои дахлдор ва дигар шахсони масъулро вазифадор кард, ки ҷиҳати дар кӯтоҳтарин мӯҳлат таҳия намудани барномаи таҷлили Иди Наврӯз ва ташкили чорабиниҳои миллии наврӯзӣ тадбир андешида, ҷараёни омодагиҳоро ба истиқболи ин ҷашн вусъат бахшанд.