Тайёрӣ ба Конфроси 5-уми RECCA

Душанбе, 6 январ. (АМИТ «Холвар», Лаззат Диловарзод).- Бино ба маълумоти Вазорати корҳои хориҷии ҶТ, рӯзҳои 26 – 27 – уми марти соли 2012 панҷумин Конфронси ҳамкориҳои минтақавии иқтисодӣ оид ба Афғонистон (RECCA -5) дар шаҳри Душанбе баргузор мегардад. Дар кори конфронс намояндагони беш аз 70 давлат ва созмонҳои байналмилалӣ ширкат меварзанд. Тибқи иттилои манбаъ, таҳти роҳбарии муовини аввали сарвазири ҷумҳурӣ Муродалӣ Алимардонов кумитаи тадорукотии конфронси мазкур таъсис дода шудааст. Конфронс масъалаи баррасии лоиҳаҳои сохтмони роҳҳои оҳани нави минтақавиро, ки тавассути қаламрави Афғонистон кишварҳои Осиёи Марказиро ба Эрону Покистон мепайванданд, ба миён мегузорад.Лозим ба ёдоварист, ки Конфронси аввалини ҳамкориҳои минтақавии иқтисодӣ оид ба Афғонистон (RECCA) соли 2005 дар Кобул соли 2006, дар Деҳлӣ, соли 2009 дар Исломобод ва соли 2011 дар шаҳри Истанбул баргузор шуда буд.