Вуруди 135,5 миллион сомонӣ ба буҷа аз ҳисоби бақияи қарзи андозҳо

Душанбе, 20 январ. (АМИТ «Ховар», Дилшодаи Хайруллоҳ). – «Бақияи қарзи андозҳо дар миқёси ҷумҳурӣ то 1 январи соли 2012 529,6 млн. сомониро ташкил дода ва нисбат ба 1 январи соли 2011 ба андозаи 154 млн. сомонӣ кам шудааст. Аз ҷумла, қарзи андози иҷтимоӣ 82,3 млн. сомониро ташкил дода, нисбат ба аввали соли 2011 2,5 млн. сомонӣ коҳиш ёфтааст,- гуфт зимни нишасти матбуотӣ Нусратулло Давлатов, раиси Кумитаи андози назди Ҳукумати Ҷумҳурии Тоҷикистон. Зикр шуд, ки ҳиссаи бақияи қарзи андозу пардохтҳо дар ҳаҷми воридот дар соли 2011 14 фоизро ташкил дода ва нисбат ба нишондоди соли 2010-ум 9 фоиз кам гаштааст.Мақомоти андоз дар доираи ваколатҳои худ бо мақсади маҷбуран ситонидани бақияи қарзи андозу пардохтҳо 1888 қарор ба маблағи 184 млн. сомонӣ қабул намуд. Аз ҳисоби ин қарорҳо то 1 январи соли 2012 ба буҷа 135,5 млн. сомонӣ ворид шуд. Ҳамзамон тибқи тартиби судии маҷбуран ситонидани бақияи қарзи андозу пардохтҳо 14,7 миллион сомонӣ ба буҷаи давлат ворид карда шудааст, тазаккур дод Н. Давлатов.