Ҳамкориҳои кишоварзон бо ширкатҳои Федератсияи Русия

Душанбе, 23 феврал. (АМИТ «Ховар», Дилшодаи Хайруллоҳ).– Дирӯз дар Вазорати кишоварзии Ҷумҳурии Тоҷикистон вохӯрии вазири кишоварзӣ Қосим Қосимов бо Директори генералии ширкати «ИнтерАГРО» ва Директори генералии ширкати саноати молиявии «УралПромСервис» А. Осипов доир гардид. Дар ҷараёни вохӯрӣ вазири кишоварзӣ аз ҳамкориҳои дуҷониба миёни вазорати кишоварзӣ ва намояндаи ширкати «Интер АГРО» изҳори қаноатмандӣ намуд. Ҷонибҳо дар раванди вохӯрӣ доир ба ҳамкориҳо дар парвариши картошкаи барвақтӣ ва ташкили корхонаҳои муштарак доир ба технологияи истеҳсоли картошкаи тухмӣ дар ноҳияи Ҷиргатол дархостҳо пешниҳод намуданд.