Амали вайронкорон фош гардид
Душанбе, 24 феврал. (АМИТ «Ховар», Назир Назиров). – Тайи моҳҳои аввали соли 2012 дар хоҷагиҳои ҷангали ҷумҳурӣ мувофиқи нақша тафтишот гузаронида, дар натиҷаи он 69 ҳодисаи вайрон кардани қонун ошкор гардида, ба давлат 9 ҳазору 100 сомонӣ маблағи ҷаримаҳо супурда шуд. Дар ҷараёни тафтишот ҳамчунин ҳодисаҳои хилофи қонун барои чарогоҳ истифода намудани замин ошкор гардидаанд. Вайронкорон ба маблағи 25 ҳазор сомонӣ ҷарима баста шуданд.Дар ин бора аз Сарраёсати хоҷагии ҷангал ва шикори назди Кумитаи ҳифзи муҳити зисти назди Ҳукумати ҶТ ба АМИТ «Ховар» хабар доданд.