Баррасии мушкилоти ҷавонони Табошар ва Чкалов

Душанбе, 21 феврал. (АМИТ «Ховар», Бекназари Абӯбакр). — Дар омӯзишгоҳи касбию техникии шаҳри Табошар, қисми низомии 051056 «Горди миллӣ» ва коллеҷи тарбияи ҷисмонии шаҳри Чкалов вохӯрии сардори Раёсати ҷавонон, варзиш ва сайёҳии вилояти Суғд Фаридун Ҳодибоев бо донишҷӯён, сарбозону афсарон ва омӯзгорону мураббиён ҷиҳати баланд бардоштани ҳисси ватандӯстӣ, ҷашн гирифтани 20-солагии Иҷлосияи ХVI Шӯрои Олии Ҷумҳурии Тоҷикистон, пешгирии омилҳои номатлуби иҷтимоӣ, тайёр намудани кадрҳои баландихтисоси соҳаи варзиш доир гардид.
Дар вохӯрӣ ҷавонон доир ба дастрас намудани филми ҳуҷҷатии “Масири гумроҳон”, ташкили озмуни вилоятии «Маҳзар» байни омӯзишгоҳҳои касбию техникӣ, мушкилоти роҳ, ташкили гӯруҳи пазандагӣ, таъминот бо китобҳои тахассусии ҳисобчӣ, таъсиси дастаи футболи коллеҷи тарбияи ҷисмонӣ, таъминоти онҳо бо либоси ягонаи варзишӣ ва таъсиси шӯъбаи ғоибона дар назди коллеҷ муроҷиат намуданд.
 
Аз хадамоти матбуоти раиси вилояти Суғд ба АМИТ «Ховар» иттилоъ доданд, ки барои баррасии муроҷиати ҷавонон Раёсат якҷоя бо сохторҳои дахлдори вилоят ва шаҳр корбарӣ хоҳад кард.