Бохти футболбозони тоҷик аз «Нистру»

Душанбе, 21 феврал. (АМИТ «Ховар», Аловиддин Бӯриев).- Дар идомаи омодагӣ ба бозиҳои интихобии Ҷоми ҷаҳон ва Ҷоми даъвати Конфедератсияи футболи Осиё тими мунтахаби кишварамон дар вохӯрии дувdуми таҷрибавӣ аз дастаи «Нистру» -и Молдова дар Туркия ба шикаст рӯ ба рӯ шуд. Сармураббии босниягии дастаи мунтахаби Тоҷикистон Камол Алиспахич дар ин дидор нисбат ба бозӣ бо дастаи «Шуртан» тағйирот ворид кард, вале ин ба рафти бозӣ суд накард. Новобаста ба он, ки футболбозони мо бештар ба бартарӣ соҳиб буданд, ҳисоби 2 бар 0 «Нистру»-ро дар ин вохӯрӣ ғолиб кард.