Бозии Тоҷикистону Куриё дар Суғд
Душанбе, 24 феврал. (АМИТ «Ховар», Бекназари Абӯбакр). — 29 феврал дар варзишгоҳи «20-солагии истиқлолияти Тоҷикистон»-и маркази вилояти Суғд бозии футбол миёни дастаҳои Тоҷикистон ва Куриёи шимолӣ дар доираи бозиҳои интихобии чемпионати ҷаҳон баргузор мешавад. Аз хадамоти матбуоти раиси вилояти Суғд ба АМИТ «Ховар» иттилоъ доданд, ки вобаста ба фаъолияти ситоди корӣ 23 феврал таҳти раёсати раиси вилоят Қоҳир Расулзода бо иштироки роҳбарони сохторҳои дахлдор машварати корӣ доир гардид. Дар машварат зикр гардид, ки барои гузаронидани футболи байналхалқӣ дар вилоят тамоми омодагиҳо дар сатҳи зарурӣ дида шудаанд. Тибқи нақшаи чорабинӣ қабл аз бозӣ ҳунарнамоии овозхонони шинохтаи Тоҷикистон ва баъди он бозии бурдноки лотерея дар назар дошта шудааст, ки мукофоти асосӣ-мошини сабукрав мебошад. Раиси вилоят Қоҳир Расулзода таъкид намуд, ки бозӣ миёни дастаҳои Тоҷикистону Куриёи шимолӣ чорабинии сатҳи ҷаҳонист, ки тибқи муқаррароти Федератсияи байналхалқии футбол (ФИФА) сурат мегирад. Дар вилояти Суғд баргузор шудани он нишони ба меъёрҳои ҷаҳонӣ мутобиқ будани иншооти варзишии вилоят аст.
Пагоҳ дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
