Дифои 11 рисолаи докторию номзадӣ
Душанбе, 6 феврал. (АМИТ «Ховар», Лаззат Диловарзод).- Бино ба иттилои саркотиби илмии АИКТ Давлатҷон Комилзода, дар аспирантураи Академия 99 нафар аспирант ( 64 нафар дар шӯъбаи рӯзона ва 35 нафар дар шӯъбаи ғоибона) ва дар докторантураи Академия 2 докторант таҳсил менамоянд. Аз ҷумлаи таҳсилгарон 21 нафарашонро занон ташкил медиҳанд. Инчунин 25 нафар унвонҷӯён ба тадқиқот доир ба рисолаҳои илмӣ машғуланд.Бояд ёдовар шуд, ки дар соли 2011 як рисолаи докторӣ ва 6 рисолаи номзадӣ дифо ва 21 рисолаи илмӣ барои ҳимоя омода карда шуд.Ҳоло дар назди пажӯҳишгоҳҳои соҳавии Академия 4 шӯрои ҳимоявӣ оид ба дифои рисолаҳои докторию номзадӣ вобаста ба тахассусҳои иқтисодиёт ва идора намудани хоҷагии халқ, хокшиносӣ ва агрокимиё, зироатпарварии умумӣ ва селексияю тухмипарварии зироатҳои кишоварзӣ ва микробиологияи ветеринарӣ (вирусология, эпизоотология, микология бо микотаксинология ва иммунология) фаъолият намуда, дар онҳо 11 рисолаи докторию номзадӣ дифо гардид, ки 6 – тои онро рисолаҳои номзадии олимони АИКТ ташкил дод.