Дуздии молу ашё дар ноҳияи Рӯдакӣ
Душанбе, 27 феврал. (АМИТ «Ховар»,Назрулло Асозода).- 23 феврал аризаи шаҳрванд Абдуламинов Б., соли таваллудаш 1967, сокини ҷамоати деҳоти Сарикиштии ноҳияи Рӯдакӣ ворид гардид, ки шаби 23 феврали ҳамин сол шахси номаълум пинҳонӣ аз хонаи истиқоматиаш молу ашёи рӯзгорро ба маблағи 4905 сомонӣ дуздида, аз ҷойи ҳодиса ғайб задааст. Дар натиҷаи гузаронидани чораҳои фаврию ҷустуҷӯӣ шаҳрванд Самизода Фаридуни Нур, соли таваллудаш 1989, сокини шаҳри Душанбе, кӯчаи Н. Қарабоев, бекор, дастгир карда шуд.Дар ин бора ба АМИТ «Ховар» котиби матбуотии Вазорати корҳои дохилӣ Маҳмадулло Асадуллоев хабар дод.