Генерал Фрейзер ба Тоҷикистон омад

Душанбе, 14 феврал. (АМИТ «Ховар», Пайрав Назаров ). – 13 феврал фармондеҳи ҳайати фармондеҳони нақлиётии ИМА генерал Уилям М.Фрейзер барои боздид ба Тоҷикистон омад. Ҳайати фармондеҳони нақлиётии ИМА, ки генерал Фрейзер роҳбари он мебошад, қонеъ гардонидани ҳамаи эҳтиёҷоти нақлиётии Вазорати мудофиаи ИМА – ро ба ӯҳда дорад.Тавре дар Сафорати ИМА дар Тоҷикистон ба АМИТ «Ховар» хабар доданд, генерал Фрейзер дар шаҳри Душанбе бо вазири мудофиаи Ҷумҳурии Тоҷикистон генерал – полковник Шералӣ Хайруллоев ва фармондеҳи Сарраёсати Қӯшунҳои сарҳадии Кумитаи давлатии амнияти миллии ҶТ генерал – лейтенант Шералӣ Мирзо мулоқот анҷом дод.Фрейзер вақтҳои наздиктарин аз якчанд кишвари Аврупо ва Осиёи Марказӣ дидан мекунад.