Гумонбаршудагон дастгир шуданд

Душанбе, 23 феврал (АМИТ Ховар», Назрулло Асозода).- Рўзи 2 сентябр Акмал Рашидов ба хонаи яке аз ҳамсинфонаш рафта, дар он ҷо бо ҳамроҳии 5 нафар рафиқаш наворҳои амри маъруф ва маводи тарғиботии Ҳаракати Исломии Ӯзбекистон (ҲИӮ)-ро тамошо карда, боз дискҳоро оварда дар хонааш пинҳон мекунад.15 сентябр кормандони Раёсати амнияти миллӣ шаҳрванд Акмал Рашидовро дар вилояти Хатлон боздошт намуданд. Ҳангоми тафтиши хонаи Рашидов 12 адад фитта дарёфт шудааст, ки дар асоси хулосаҳои ташхиси давлатии диншиносӣ, қисме аз онҳо ҳамчун маводи тарғибкунандаи ақидаҳои экстремистӣ эътироф карда мешавад. Акмал Рашидов нисбат ба ин кирдорҳояш бо моддаи 187, қисми 2 ва 307, эзоҳи 3 қисми 2 КҶ ҶТ гумонбар дониста шудааст.Бино ба маълумоти Прокуратураи вилояти Хатлон, сокини дигари ҳамин деҳа Бахтиёр Умаров аз тарафи мақомоти амниятии Покистон боздошт шуда, 3-юми феврал ба Тоҷикистон фиристода шудааст.Ба гуфтаи манбаъ, нисбат ба Бахтиёр Умаров қаблан аз тарафи мақомоти қудратии Тоҷикистон кофтукови ҷиноӣ эълон шуда буд.