Хавфи паҳншавии малах пешгирӣ мешавад

Душанбе, 10 феврал. (АМИТ «Ховар», Дилшодаи Хайруллоҳ). – Бо мақсади татбиқи Барномаи минтақавии «Мубориза бар зидди малах дар ҷумҳуриҳои Осиёи Миёна ва Қафқоз дар соли 2012» ва расонидани кӯмак ба ноҳияҳое, ки ба онҳо хатари малах бештар таҳдид менамояд, санаи 8.02.2012 Созмони озуқа ва кишоварзии СММ (ФАО) ба Корхонаи ҷумҳуриявии воҳиди давлатии «Мубориза бар зидди малах» кӯмаки якдафъаина расонид.Кӯмаки мазкур аз 1 адад алоқаи моҳворагӣ, 5 адад дастгоҳи ҶПС, 20 дона дорупошаки дастии «Улва», 5 дона дорупошаки АИ-800, 3 ҷуфт лавозимоти мушоҳида, 1 дона дорупошаки АИ-8115 ва 30 ҷуфт либоси муҳофизавӣ иборат мебошад. Тибқи руйхат мавод ба минтақаҳое, ки ба онҳо хатари малах бештар таҳдид менамояд, супорида мешавад. Дар натиҷаи сари вақт андешидани тадбирҳои фаврӣ пеши роҳи зарароварии малах ба зироатҳои кишоварзӣ, боғу токзор гирифта хоҳад шуд.