Корхонаҳои нави саноатӣ дар вилояти Суғд

Душанбе, 14 феврал. (АМИТ «Ховар», Кристина Эрлих). – Соли 2012 дар вилояти Суғд корхонаҳои нави саноатӣ барои истеҳсоли масолеҳи сохтмонӣ ба техникаи кишоварзӣ бунёд мешаванд. Дар ин бора аз Вазорати энергетика ва саноати ҶТ ба АМИТ «Ховар» хабар доданд. Мувофиқи суханони манбаъ, як қисми ин корхонаҳо дар семоҳаи аввали соли ҷорӣ ба кор шурӯъ карда, семент, санги мармар ва хишт тавлид намуда ва бо ин васила бозори дохилии кишварро бо масолеҳи сохтмонӣ таъмин мекунанд. «Корхонаҳои нави шимоли кишвар ҳам бо маблағи ширкатҳои маҳаллӣ ва ҳам ширкатҳои хориҷӣ бунёд мешаванд. Ҳоло теъдоди чунин корхонаҳо ба 70 расида ва дар онҳо беш аз 4 ҳазор нафар кор мекунанд», — қайд намуд манбаъ.Қобили зикр аст, ки соли 2011 дар ҳудуди вилояти Суғд 65 корхонаи саноатии истеҳсолкунандаи масолеҳи сохтмонӣ, маводи ғизоӣ, мева ва нахи пахта ба истифода дода шуд.