Маҳфил ба хотири қурбониёни ҷанги Афғонистон
Душанбе, 17 феврал. (АМИТ «Ховар», Покиза Маҳмадбекова). — Дар майдони назди «Санги ёдбуд» — и шаҳри Панҷакент ба хотири қурбониёни ҷанги Афғонистон бо иштироки ҷанговарони собиқадори ҷангу меҳнат, афсарону сарбозони қисмҳои ҳарбӣ, ҷавонону донишҷӯёни шаҳр маҳфил баргузор гардид. Ба мухбири АМИТ «Ховар» аз Хадамоти матбуоти раиси вилояти Суғд иттилоъ доданд, ки дар маҳфил муовини раиси шаҳр доир ба иҷтимоиёт ва фарҳанг М.Гадоева гуфт: «300 нафар ҷавонони шаҳри Панҷакент барои адои хизмат ба хоки Афғонистон сафарбар гардида буданд, ки аз ин 6 нафарашон ҳангоми иҷрои вазифаҳои хизматӣ қурбон шуданд». Раиси Шӯрои собиқадорони ҷангу меҳнати шаҳр М.Норов дар бораи қаҳрамонию диловарии ҷанговарони Ҷанги Бузурги Ватанӣ ва ҷанговарони байналмилалӣ нақл кард. Чорабинӣ бо гузоштани гулчамбар бар пояи “Санги ёдбуд” бо дақиқаи хомӯшӣ ба хотири қурбониёни ҷанги Афғонистон ҷамъбаст гардид. Бояд гуфт, ки бахшида ба рӯзи ёдбуди ҷанговарони байналмилалӣ ва 19-солагии таъсисёбии Қувваҳои Мусаллаҳи Ҷумҳурии Тоҷикистон гузаронидани чорабинихои гуногун, вохӯриву мулоқоти собиқадорони ҷангу меҳнат бо хонандагону донишҷӯёни Панҷакент идома дорад.
Имрӯз дар водиҳои Тоҷикистон ҳаво то 36 дараҷа гарм мешавад
Дар Хоруғ маркази савдои муосир ба истифода дода шуд
Дар баъзе минтақаҳои Тоҷикистон баландшавии ҳолати ифлосшавии ҳавои атмосферӣ дар назар аст
Дар Суғд даври вилоятии озмуни «Беҳтарин хизматчии давлатӣ аз ҳисоби занон» доир гардид
Ҳайати Тоҷикистон дар Форуми ҷавонони Осиё Марказӣ дар Ашқобод иштирок намуд
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Китоби «Садриддин Айнӣ. Феҳристи адабиёт» рӯнамоӣ гардид
Имрӯз дар шаҳри Душанбе ҳаво то 38 дараҷа гарм мешавад
«МегаФон Тоҷикистон» шабакаро ба суръатҳои нави гигабитӣ омода менамояд
Бахшида ба 34-солагии Истиқлолияти давлатии Тоҷикистон дар шаҳри Пенза ҳамоиш доир шуд
«ИСТИҚЛОЛ-НЕЪМАТИ БЕБАҲО». Дар ин мавзуъ дар Донишгоҳи давлатии Хоруғ конференсияи илмӣ доир гардид
