Машварати роҳбарони идораҳои сарҳадӣ

Душанбе, 29 феврал. (АМИТ «Ховар», Луктфия Эшонқулова ). – 28 феврал дар шаҳри Душанбе машварати минтақавии роҳбарони идораҳои сарҳадии давлатҳои аъзои ИДМ баргузор гардид.Мувофиқи хабари дафтари матбуоти Сарраёсати қӯшунҳои сарҳадии Кумитаи давлатии амнияти миллии ҶТ, дар ин чорабинӣ намояндагони идораҳои сарҳадии Қазоқистон, Қирғизистон, Русия, Тоҷикистон, Туркманистон, Ӯзбекистон, Хадамоти ҳамоҳангсозии Шӯрои фармондеҳони қӯшунҳои сарҳадии ИДМ, СААД, Кумитаи иҷроияи ИДМ иштирок намуданд.Иштирокдорони машварат масъалаи ҷараёни кор бобати ҳамоҳангсозии Лоиҳаи қарорҳои Шӯрои сарони давлатҳо «Дар бораи чораҳои иловагӣ бобати мустаҳкам намудани амнияти сарҳадӣ дар сарҳадҳои хориҷии давлатҳои аъзои ИДМ» — ро мавриди муҳокима қарор доданд.Аз рӯи натиҷаи машварат як қатор ҳуҷҷатҳо бобати такмили минбаъдаи ҳамкории идораҳои сарҳадӣ дар бахши мубодилаи иттилоот перомуни вайронкунандагони сарҳади давлатӣ имзо гардиданд.