Муҳокимаи омодагӣ ба Конфронси минтақавӣ
Душанбе, 29 феврал. (АМИТ «Ховар», Пайрав Назаров). – 28 феврал дар шаҳри Кобул мулоқоти муовини вазири корҳои хориҷии Тоҷикистон Низомиддин Зоҳидов бо муовини вазири корҳои хориҷии Афғонистон Ҷовид Лудин баргузор гардид. Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.Ҷонибҳо дар ҷараёни мулоқот масъалаҳои омодагӣ ба Конфронси панҷуми ҳамкории минтақавии иқтисодии оид ба Афғонистонро, ки бояд 26 – 27 марти соли 2012 дар шаҳри Душанбе баргузор гардад, мавриди муҳокима қарор доданд.Н.Зоҳидов зикр намуд, ки ҷониби Тоҷикистон бо дастгирии коршиносони Афғонистон омодагиро барои дар сатҳи баланд доир намудани конфронс идома дода, умедвор аст, ки натиҷаи он ба рушди ҳамкории минтақавӣ ва барқароршавии иқтисодиёти Афғонистон мусоидат хоҳад кард. Мавсуф дар робита бо ин аҳамияти роҳандозӣ намудани як қатор лоиҳаҳои инфрасохтории минтақавиро таъкид намуд. Ҷовид Лудин мавқеи созандагии Тоҷикистонро дар амри ҳалли масъалаҳои марбут ба Афғонистон, аз ҷумла ҷиҳати дар амал татбиқ намудани лоиҳаҳои минтақавӣ маъқул ёфта, иброз дошт, ки ҳамкории Афғонистону Тоҷикистон дар заминаи ин рушду густариш хоҳад ёфт.
Имрӯз дар водиҳои Тоҷикистон ҳаво то 36 дараҷа гарм мешавад
Дар Хоруғ маркази савдои муосир ба истифода дода шуд
Дар баъзе минтақаҳои Тоҷикистон баландшавии ҳолати ифлосшавии ҳавои атмосферӣ дар назар аст
Дар Суғд даври вилоятии озмуни «Беҳтарин хизматчии давлатӣ аз ҳисоби занон» доир гардид
Ҳайати Тоҷикистон дар Форуми ҷавонони Осиё Марказӣ дар Ашқобод иштирок намуд
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Китоби «Садриддин Айнӣ. Феҳристи адабиёт» рӯнамоӣ гардид
Имрӯз дар шаҳри Душанбе ҳаво то 38 дараҷа гарм мешавад
«МегаФон Тоҷикистон» шабакаро ба суръатҳои нави гигабитӣ омода менамояд
Бахшида ба 34-солагии Истиқлолияти давлатии Тоҷикистон дар шаҳри Пенза ҳамоиш доир шуд
«ИСТИҚЛОЛ-НЕЪМАТИ БЕБАҲО». Дар ин мавзуъ дар Донишгоҳи давлатии Хоруғ конференсияи илмӣ доир гардид
