Муаррифии боз як нерӯгоҳ

Душанбе, 9 феврал. (АМИТ «Ховар», Дилшодаи Хайруллоҳ). – Дирӯз дар Вазорати энергетика ва саноати Ҷумҳурии Тоҷикистон муаррифии лоиҳаи нерӯгоҳи барқи обии Шӯроб аз тарафи Пажӯҳишгоҳи лоиҳакашии «Нурофар» баргузор гардид. Ёдовар мешавем, ки ҳанӯз солҳои 70-уми асри гузашта, бо мақсади истифодаи пурраи захираҳои обии энергетикии дарёи Вахш ҳангоми тарҳрезии лоиҳаи иншооти гидротехникии НБО-и Роғун ба роҳ мондани сохтмони нерӯгоҳи барқи обии Шӯроб ба миён омад, ки дар маҷмӯъ бо дигар нерӯгоҳҳо системаи силсиланерӯгоҳҳои дарёи Вахшро ташкил медод.Сохтмони НБО-и Шӯроб аз ҷиҳати иҷтимоӣ ва экологӣ ба муҳити зист ягон таъсир намерасонад ва дар рушди энергетикаи Ҷумҳурии Тоҷикистон нақши асосиро мебозад. Иқтидори лоиҳавии нерӯгоҳ 862,5 МВт буда, дар як сол 3,2 млрд. кВт соат нерӯи барқ истеҳсол мекунад. Дар сурати оғоз ёфтани сохтмони нерӯгоҳ зиёда аз 3 ҳазору 600 нафар шаҳрванди ҷумҳурӣ бо ҷойи корӣ таъмин хоҳад шуд.Боиси хушнудист, ки бори аввал чунин лоиҳаи калон аз тарафи мутахассисони маҳаллӣ таҳия ва пешбарӣ карда шудааст: -зикр кард директори Пажӯҳишгоҳи лоиҳакашии «Нурофар» Т. Ҳакимов.Дар муаррифии лоиҳа намояндагони вазорату идораҳои дахлдори ҷумҳурӣ, Пажӯҳишгоҳи лоиҳакашии «Нурофар» ва намояндагони НБО-и Роғун, КВД «Талко» иштирок намуда, сухан гуфтанд.Дар ин бора ба мухбири АМИТ «Ховар» аз котиботи Вазорати энергетика ва саноат иттилоъ доданд