Мулоқоти дипломати тоҷик

Душанбе, 23 феврал. (АМИТ «Ховар», Пайрав Назаров). – Сафири Тоҷикистон дар Давлати Қатар Зубайдулло Зубайдов дар шаҳри Доха бо вазири маълумоти олӣ ва миёнаи Давлати Қатар Саъд ибн Иброҳим ибн Саъад Ал — Маҳмуд мулоқот анҷом дод.Вазири маълумоти олӣ ва миёнаи Қатар дар ҷараёни мулоқот зикр намуд, ки ҷониби Қатар ба роҳандозӣ ва рушди ҳамкории мутақобилан муфид бо Тоҷикистони дӯст омода аст.Сафир З.Зубайдов дар навбати худ изҳор дошт, ки ҷониби Тоҷикистон хостгори дар бахши маориф бо Қатар ривоҷ додани ҳамкорӣ мебошад.Саъд ибн Иброҳим ибн Саъад Ал — Маҳмуд қайд намуд, ки омӯзиши таҷрибаи Тоҷикистон ва Қатар дар соҳаи маориф барои ҳар ду ҷониб муфид аст. Ӯ дар робита бо ин пешниҳод намуд, ки сафари профессорони донишкадаҳои олӣ ва кормандони бахши маорифи ҳар ду кишвар ба манзури омӯзиши таҷрибаи муфид ташкил карда шавад.Ҳамчунин мулоқоти З.Зубайдов бо раиси ширкати ҳавопаймоии Qatar Airwaus Акбар Ал – Боқир баргузор шуд. Раиси ширкати ҳавоӣ изҳор дошт, ки масъалаи кушодани роҳи мустақими ҳавоии байни шаҳрҳои Душанбе ва Доха басо муҳим аст. Мавсуф зикр намуд, ки ширкат дар ҳоли ҳозир 107 тайёра дошта, вақтҳои наздиктарин боз 200 тайёраи нав мавриди истифода қарор мегирад.