Мусодираи беш аз 5 кг маводи нашъаовар

Душанбе, 15 феврал. (АМИТ «Ховар», Лутфия Эшонқулова). – 14 феврал кормандони мақомоти ҳифзи ҳуқуқи ҷумҳурӣ дар ҷанубу шимоли кишвар беш аз 5 килограмм маводи нашъаоварро мусодира намуданд.Мувофиқи хабари сардори маркази матбуоти ВКД ҶТ Маҳмадулло Асадуллоев, дар ҷараёни чорабиниҳои таъҷилӣ дар ҳудуди ноҳияи Ховалинг ҳангоми аз назар гузаронидани бордони мошини сокини 35 – солаи маҳаллӣ 940 грамм афюн ва як килограмму 100 ҳашиш пайдо гардид. Дар ҷараёни амалиёти дуюм дар ноҳияи Спитамени вилояти Суғд сокини 41 – солаи шаҳрчаи Нов дастгир шуда, аз бағоҷи ӯ 3 килограмм ҳашиш ёфт шуд. Аз рӯи ҳар ду ҳодиса парвандаи ҷиноӣ кушода, тафтишот идома дорад.