Мусодираи маводи нашъаовар

Душанбе, 27 феврал. (АМИТ «Ховар», Лутфия Эшонқулова). – Кормандони Агентии назорати маводи нашъаовари назди Президенти ҶТ дар ҳудуди ноҳияи Панҷ қариб 15 килограмм маводи нашъаоварро мусодира намуданд. Бино ба хабари маркази матбуоти Агентӣ, кормандони он ҳангоми дар ҳудуди ноҳияи Панҷ анҷом додани амалиёти фаврӣ сокини 47 – солаи ин ноҳия ва шарики ӯ — донишҷӯи 19 – солаи Донишгоҳи ҳарбии Вазорати мудофиаи ҶТ – ро дастгир намуданд. Ҳангоми тафтиш аз шахсони номбурда 15 бастаи селофании дороии 15 килограмм маводи нашъаовар пайдо гардид.Аз рӯи ин ҳодиса парвандаи ҷиноӣ кушода, шаҳрвандони дастгиршуда дар боздоштгоҳи муваққати Агентии назорати маводи нашъаовар қарор доранд.