Намоишгоҳи байналмилалӣ дар Душанбе
Душанбе, 9 феврал. (АМИТ «Ховар», Покиза Маҳмадбекова). – Раиси Палатаи савдо ва саноати ҶТ Шариф Саид бо сардори Раёсати савдои Ноҳияи Мухтори Синҷону Уйғур Тя Гуантай масъалаҳои доир намудани намоишгоҳи байналмилалии молҳои содиротии Ноҳияи Мухтори Синҷону Уйғур ва бархе музофотҳои дигари Чинро муҳокима намуд. Тавре аз Палатаи савдо ва саноати ҶТ ба АМИТ «Ховар» хабар доданд, Шариф Саид зимни мулоқот зикр кард, ки ин чорабинӣ ба ҷалби сармояҳои инфиродӣ ба Тоҷикистон, рушди робитаҳои кооперативӣ, дастгирии корхонаҳои хурду миёна, бунёди корхонаҳои муштарак ва густариши савдои байнисарҳадӣ мусоидат мекунад.Тя Гуантай дар навбати худ зикр намуд, ки роҳбарияти ҶМЧ ба рушди ҳамкориҳои Чин ва Тоҷикистон аҳамияти хоса медиҳад. Дар шаҳри Душанбе доир намудани намоишгоҳи навбатии Чин собит мекунад, ки муносибатҳои тиҷоратию иқтисодии ҳар ду кишвар босуръат рушду густариш меёбанд.Раиси Палатаи савдо ва саноати ҶТ Шариф Саид ва сардори Раёсати савдои Ноҳияи Мухтори Синҷону Уйғур аз рӯи натиҷаи мулоқот Шартномаи дар охири моҳи сентябри соли ҷорӣ дар шаҳри Душанбе доир намудани намоишгоҳи молҳои содиротии ҶМЧ – ро имзо намуданд.
Имрӯз дар шаҳри Душанбе ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 36 дараҷа гарм мешавад
Дар Хоруғ маркази савдои муосир ба истифода дода шуд
Дар баъзе минтақаҳои Тоҷикистон баландшавии ҳолати ифлосшавии ҳавои атмосферӣ дар назар аст
Дар Суғд даври вилоятии озмуни «Беҳтарин хизматчии давлатӣ аз ҳисоби занон» доир гардид
Ҳайати Тоҷикистон дар Форуми ҷавонони Осиё Марказӣ дар Ашқобод иштирок намуд
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Китоби «Садриддин Айнӣ. Феҳристи адабиёт» рӯнамоӣ гардид
Имрӯз дар шаҳри Душанбе ҳаво то 38 дараҷа гарм мешавад
«МегаФон Тоҷикистон» шабакаро ба суръатҳои нави гигабитӣ омода менамояд
Бахшида ба 34-солагии Истиқлолияти давлатии Тоҷикистон дар шаҳри Пенза ҳамоиш доир шуд
