Наврасони кишварҳои Осиёи Марказӣ ба Меҳргон мераванд

Душанбе, 20 феврал. ( АМИТ «Ховар», Аловиддин Бӯриев).- Меҳргони анъанавии футболи Осиё барои мамолики минтақаи Осиёи Марказӣ дар шаҳри Исломободи Покистон гузаронида хоҳад шуд. Дар он аз 2 то 15 апрели соли ҷорӣ наврасони 14-солаи Афғонистон, Эрон, Покистон, Тоҷикистон, Қирғизистон, Туркманистон ва Ӯзбекистон ширкат меварзанд. Ҳамчунин дар ҷараёни ин бозиҳо дарсҳои таълимӣ барои доварону мураббиёни ҷавони кишвархои ширкаткунанда барпо мегарданд, ки аз ҳар давлат дар он ду мураббӣ ва ду довар ширкат менамоянд. Чор сол муқаддам ин гуна меҳргон дар шаҳри Тошканд барпо шуда буд.