Нерӯгоҳи нави барқи обӣ дар Язгулом
Хоруғ, 11 феврал. (АМИТ «Ховар», Л.Додо ). – Дар ҷамоати деҳоти Язгуломи ноҳияи Ванҷ бунёди нерӯгоҳи хурди барқи обӣ оғоз гардид, ки иқтидораш 350 киловатт – соат аст. Ин нерӯгоҳ бо маблағгузории ширкати куриёии DONWA бунёд мегардад. Тибқи нақша нерӯгоҳи нав бояд моҳи июни соли ҷорӣ дар арафаи 15 – умин солгарди Ваҳдати миллӣ мавриди истифода қарор гирад. — Истифоди он эҳтиёҷоти ба нерӯи барқ доштаи сокинони ҷамоати Язгуломро пурра қонеъ мегардонад, — гуфтанд зимни сӯҳбат дар мақомоти маҳаллии ҳокимияти давлатии ноҳия.