Пешгирии ҳодисаҳои номатлуб дар вилояти Суғд

Душанбе, 10 феврал. (АМИТ «Ховар», Покиза Маҳмадбекова). — Муовини раиси вилояти Суғд Мавҷуда Бобоева дар шаҳру навоҳии вилоят, аз ҷумла Ғончӣ, Ҷаббор Расулов, Зафаробод, Спитамен, Ашт ва Қайроққум дар мавзӯъҳои «Истиқлолият ва адолати иҷтимоӣ», «Дар бораи масъулияти падару модар дар тарбияи фарзанд» машварати корӣ баргузор намуд. Ба мухбири АМИТ «Ховар» аз Хадамоти матбуоти раиси вилояти Суғд иттилоъ доданд, ки чорабинии мазкур бо мақсади фаъолнокии ҷомеа, бахусус занон ҷиҳати татбиқи Қонуни Ҷумҳурии Тоҷикистон «Дар бораи масъулияти падару модар дар тарбияи фарзанд», пешгирии ҳодисаҳои номатлуб байни занон, ҷавонону наврасон ва баҳри боз ҳам баланд бардоштани кори таълиму тарбия ба роҳ монда шудааст. Ёдовар мешавем, ки баргузории чунин машваратҳои корӣ дар дигар шаҳру навоҳии вилояти Суғд низ дар назар аст.