Рустами Эмомалӣ- узви кумитаи рушди ФИФА
Душанбе, 6 феврал. ( АМИТ «Ховар», Аловиддин Бӯриев).- Президенти Федерацияи футболи Тоҷикистон Рустами Эмомалӣ узви кумитаи рушди федератсияи байналмилалии футбол таъин шуд. Кумитаи мазкурро Исса Ҳаяту, раиси Конфедератсияи футболи Африқо роҳбарӣ мекунад. Дар ҳайати 18 нафараи Кумитаи рушд шахсони машҳур, чун Мишел Платини, раиси Федератсияи футболи Аврупо, шоҳзодаи Урдун Алӣ Бин Ал-Ҳусейн, ноиби президенти ФИФА ва дигар шахсони расмӣ шомиланд. Аз ин пештар Федератсияи футболи Тоҷикистон дар кумитаҳои одоб ва футболи бонувони ФИФА намояндагӣ мекард.