Тасдиқи Фармонҳои Президент

Душанбе, 1 феврал.(АМИТ «Ховар», Марзия Саидова).-Палатаи поёнии парлумони Тоҷикистон дар ҷаласаи навбатии иҷлосияи сеюм, ки 1 феврал таҳти раёсати Шукурҷон Зуҳуров, раиси Маҷлиси намояндагон баргузор гардид, як қатор фармонҳои Президенти мамлакатро тасдиқ намуд. Ин фармонҳо «Дар бораи аз вазифаи Раиси Бонки миллии Тоҷикистон озод намудани Шариф Раҳимзода», «Дар бораи Раиси Бонки миллии Тоҷикистон таъйин намудани Абдуҷаббор Ширинов», «Дар бораи аз вазифаи муовини Раиси Бонки миллии Тоҷикистон озод намудани Тӯрақул Ҳақназаров» ва «Дар бораи муовини Раиси Бонки миллии Тоҷикистон таъйин намудани Абдукарим Неъматов» мебошанд. Ҳамзамон дар ҷаласа тибқи Қарори Маҷлиси намояндагон намояндаи Ҳизби халқии демократии Тоҷикистон /ҲХДТ/ Абдураҳмон Хонов узви Кумитаи Маҷлиси намояндагони доир ба масъалаҳои иҷтимоӣ, оила ва ҳифзи саломатӣ интихоб гардид.