ВКД –и кишварҳои ИДМ муборизаро таҳким мебахшанд

Душанбе, 20 феврал.(АМИТ «Ховар», Марзия Саидова).-Лоиҳаи Қонуни Ҷумҳурии Тоҷикистон «Дар бораи минтақаҳои кӯҳии Ҷумҳурии Тоҷикистон»-ро вакилони палатаи поёнии парлумони мамлакат дар ҷаласаи Шӯрои Маҷлиси намояндагон, ки 20 феврал дар ҳузури Шукурҷон Зуҳуров, Раиси Маҷлиси намояндагони Маҷлиси Олии ҷумҳурӣ доир шуд, баррасӣ намуданд. Дар ҷаласа ҳамзамон аъзои Шӯро лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон», Созишнома дар бораи ҳамкории вазоратҳои корҳои дохилии давлатҳои аъзои Иттиҳоди Давлатҳои Мустақил /ИДМ / «Дар мубориза бар зидди хариду фурӯши одамон» ва Шартномаи давлатҳои аъзои ИДМ «Дар бораи кофтукови байнидавлатии шахсон»-ро муҳокима намуда, ҷиҳати баррасӣ ва тасдиқ ба ҷаласаи навбатии иҷлосияи Маҷлиси намояндагон пешниҳод намуданд.