Юсуф Абдусаломов –барандаи медали биринҷии чемпионати Осиё-2012

Душанбе, 22 феврал. (АМИТ «Ховар», Дилшодаи Хайруллоҳ).– Рӯзҳои 18-19 феврали соли равон дар шаҳри калонтарини Куриёи Ҷанубӣ- шаҳри Гум чемпионати Осиё доир ба гӯштини тарзи озод ва юнону румӣ баргузор гардид. Кишвари моро дар ин чорабинӣ варзишгари шинохтаи мамлакат, барандаи медали нуқраи бозиҳои Пекин-2008 Юсуф Абдусаломов намояндагӣ намуда, медали биринҷӣ ба даст овард.Юсуф Абдусаломов имрӯзҳо талош бар он дорад, ки дар бозиҳои литсензионӣ хуб баромад карда, сазовори роҳхати олимпӣ шавад.Бино ба иттилои раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон-ноиби аввали Президенти Кумитаи миллии Олимпии Тоҷикистон Маликшо Неъматов ба Юсуф Абдусаломов барои натиҷаи ба даст овардааш дар сабқати қаҳрамонии Осиё -2012 аз номи Президенти Кумитаи миллии Олимпии Тоҷикистон Эмомалӣ Раҳмон ба маблағи 5000 сомонӣ тӯҳфаи нақдӣ пешниҳод гардид.